Поиск - Категории
Поиск - Контакты
Поиск - Контент
Поиск - Ленты новостей
Поиск - Метки
SP Page Builder - Search

Экономика

Чаму пакупнікі аддаюць перавагу бульбе ААТ «Навасёлкі-Лучай» Пастаўскага раёна?

На Пастаўшчыне бульбу вырошчваюць тры гаспадаркі. Але калі ААТ «Камайскі-Агра» і «Хацілы-Агра» садзяць яе толькі па 5 гектараў, то ў “Навасёлках-Лучаі” – 37 га. І ўраджай збіраюць традыцыйна высокі. Сёлета, праўда, ён ніжэйшы за леташні, гаспадарка накапала ўсяго 600 тон, затое клубні гладкія, вялікія – такія, як любіць пакупнік. І попыт на іх ужо ёсць. Сельгаспрадпрыемства выйграла тэндар на забеспячэнне другім хлебам дзіцячых устаноў і школ. Пэўная колькасць патрэбна свайму перапрацоўчаму цэху, астатняе – на продаж насельніцтву. Самыя клапатлівыя з іх ліку па выхадных прыязджалі ў Навасёлкі і дапамагалі ўбіраць ураджай.

 — Спачатку бульбу капалі толькі механізавана, — расказаў начальнік навасёлкаўскага аддзялення Дзмітрый Лібоза. — На камбайне першы год працаваў Казімір Віннік. Дапамагалі яму Юрый Нямірскі і Сяргей Рубан. Яны збіралі каменне, смецце. Пазней з капалкамі ўключыліся ў работу Алег Чумакоў і Славамір Пястун.

— Алег і Славамір — нашы «хімікі», — патлумачыла галоўны аграном ААТ Алена Касцюк. — Яны ўдвух уносяць гліфасаты і мінеральныя ўгнаенні пад азімыя, падкормліваюць пасевы азімага рапсу і праводзяць апрацоўку супраць шкоднікаў. А паміж гэтым паспяваюць разагнаць барозны, каб забяспечыць работай юных памочнікаў з каледжа. Дзве групы яго выхаванцаў працавалі ў гаспадарцы да абеда, дзве – пасля. Маладыя памочнікі выканалі вялікі аб’ём работ. Акрамя заработнай платы гаспадарка аддзячыць ім падарункамі і да Дня работнікаў сельскай гаспадаркі.

Пасадзіў жа бульбу на ўсёй плошчы Віталій Смолка. даглядалі Алег Чумакоў і Славамір Пястун.

 — З усіх гатункаў мяне больш радаваў ранні «эвалюшн», — паведаміў Славамір. — Яго пачалі капаць з пачатку лета. Выкарыстоўвалі для патрэб мясцовай сталовай. Праганю баразну — а яна аж чырвоная ад клубняў. Неблагі ўраджай даў і «брыз».

 Хутка навасёлкаўская бульба знойдзе сваіх спажыўцоў. Яна завезена ў фірменныя магазіны гаспадаркі, будзе і на рынку.


Подпишись на Витебские Вести в Telegram
При использовании материалов vitvesti.by указание источника и размещение активной ссылки на публикацию обязательны

Главные новости Витебска и Витебской области. Все права защищены.
При использовании материалов vitvesti.by указание источника и размещение активной ссылки на публикацию обязательны.
Свидетельство о гос.регистрации СМИ №18 от 20 сентября 2019 года

МЫ В СОЦИАЛЬНЫХ СЕТЯХ