У Верхнядзвінску гасцінна сустрэлі маці з прыёмных сем’яў Міёрскага раёна

Автор: Тамара Пашкевич Дата опубликования: 2019-11-26 13:42:41



, , , , , ,
Печать

«Усмешкай маці свет сагрэты» – так назвалі сустрэчу маці з прыёмных сем’яў арганізатары – аддзелы па адукацыі і сацыяльна-педагагічныя цэнтры Верхнядзвінскага і Міёрскага раёнаў.

На гэты раз гаспадарамі выступілі верхнядзвінцы, якія пастараліся зрабіць мерапрыемства прыемным і карысным. Жанчыны змаглі не толькі абмяняцца вопытам, але і пазнаёміцца з горадам, яго гісторыяй і знакамітымі людзьмі, атрымаць асалоду ад выступленняў артыстаў Верхнядзвінскага цэнтра культуры і народнай творчасці, ансамбля «Лыжкары» аддзялення дзённага знаходжання пажылых і інвалідаў.

Як гаворыць загадчык Міёрскага аддзела раённага сацыяльна-педагагічнага цэнтра Анжаліка Банькоўская, сустрэча падкрэсліла важнасць пашырэння зносін: разам можна вырашаць многія праблемы, дзяліцца радасцю, адчуваць, што працу прыёмнай маці шануюць і паважаюць. Галоўнае – любіць дзяцей, жадаць падзяліцца цяплом сваёй душы з тымі, хто застаўся без апекі бацькоў.

Фота з адкрытых крыніц.



При использовании материалов vitvesti.by указание источника и размещение активной ссылки на публикацию обязательны