Звесткі пра гісторыю і сучасны стан амаль 300 сядзіб вобласці змяшчае новая кніга краязнаўца Мікалая Півавара

Автор: Александр Кутынко Дата опубликования: 2020-05-26 05:26:15


Печать

У выдавецтве «Беларуская энцыклапедыя» выйшла ў свет чарговая кніга віцябчаніна, вядомага гісторыка, краязнаўца, педагога, кандыдата гістарычных навук Мікалая Півавара «Сядзібы Віцебшчыны».

У даведніку аб’емам 256 старонак змешчаны звесткі пра гісторыю, архітэктуру, сучасны стан амаль 300 сядзіб вобласці. Ёсць ілюстрацыі і інфармацыя пра былых уладальнікаў, раскрываюцца асноўныя тэндэнцыі развіцця сядзіб у ХVІІІ – ХХ стагоддзях.

Па словах аўтара, матэрыял збіраўся некалькі гадоў падчас эскурсій з навучэнцамі, пры падрыхтоўцы іх навукова-пошукавых даследаванняў. Таксама Мікалай Півавар працаваў у архівах, вывучаў дарэвалюцыйныя выданні, кансультаваўся з мясцовымі краязнаўцамі.

Фота з адкрытых крыніц.


При использовании материалов vitvesti.by указание источника и размещение активной ссылки на публикацию обязательны