20.01.2018

Поиск - Категории
Поиск - Контакты
Поиск - Контент
Поиск - Ленты новостей
Поиск - Метки
SP Page Builder - Search
Search - K2

Культура

Выставу навагодніх і калядных масак ў Віцебску зладзілі майстры з усёй вобласці (+ФОТА)



Навагоднія і калядныя маскі, сувеніры і ёлачныя ўпрыгажэнні можна ўбачыць на выставе дэкаратыўна-прыкладнога мастацтва «Карнавал масак» у абласным метадычным цэнтры народнай творчасці.

– Сярод усіх калядных выяў самы папулярны – вобраз казы. Гэта сімвал дабрабыту і ўрадлівасці. Маскі вырабляліся з любога матэрыялу, які быў пад рукой, але сёння найбольш запатрабаваны – саломка, – распавяла вядучы метадыст АМЦНТ, кандыдат мастацтвазнаўства Людміла Вакар.

Для выставы свае работы перадалі каля сотні майстроў з усёй вобласці. У сваіх творах яны выкарыстоўвалі не толькі саломку, але і берасту, гліну, тканіну, бісер і іншыя матэрыялы.

Напрыклад, майстар Чашніцкага Дома рамёстваў Валянціна Атрашкевіч зрабіла фігуру калядоўшчыцы з маскай казы ў тэхніцы валяння. Гэта старажытная тэхналогія, якая была раней распаўсюджана на Беларусі, але забыта з цягам часу. Сёння яна адраджаецца.

“Калядоўшчыкі” – справа рук майстра з Глыбокага Віктара Дудкевіча, які ў гэтым годзе падчас свята-конкурсу майстроў разьбы па дрэве атрымаў 1-е месца ў намінацыі “Народныя цацкі”. Яго кампазіцыя – гэта сінтэз механічнай цацкі і жлоб – батлеечнага тэатра, які быў распаўсюджаны на Віцебшчыне.

Да 20 студзеня можна не толькі палюбавацца прадстаўленымі экспанатамі, але і набыць найбольш упадабаныя, адзначылі ў метадычным цэнтры.

Фота Дзмітрыя ОСІПАВА.

e-max.it: your social media marketing partner




Любое использование материалов нашего сайта в сети Интернет допустимо при условии указания имени автора и обязательно размещения гипертекстовой ссылки на источник.
Оставляя свой комментарий, Вы автоматически соглашаетесь со следующими правилами: на сайте производится модерация, администрация оставляет за собой право удалять либо редактировать комментарии. При копировании или другом использовании материалов данного сайта ссылка http://vitvesti.by/ обязательна.

Подписка на новости

Подпишитесь и будете в курсе выхода новых новостей на нашем сайте