Да 85-годдзя з дня нараджэння народнага паэта Беларусі Рыгора Барадуліна ў Віцебскай абласной бібліятэцы прымеркавана літаратурна-музычная вечарына “Я сын зямлі…”.
Яна адбудзецца сёння, 24 лютага, якраз у дзень нараджэння вялікага паэта. Найперш у праграме – выстава яго твораў з фондаў галоўнага кнігасховішча вобласці.
Пад гітару прагучаць песні, напісаныя на вядомыя вершы Рыгора Барадуліна, у тым ліку і духоўнай тэматыкі, у выкананні выкладчыкаў дзіцячых школ мастацтваў Міхаіла Рубіна і Аляксандра Салавяна.
Успамінамі пра жыццёвыя і творчыя стасункі са славутым земляком, ілюстраванымі фотаздымкамі, падзеліцца віцебскі празаік Сяргей Рублеўскі, іншыя пісьменнікі. У вечарыне прымуць удзел шматлікія чытачы, аматары багатай літаратурнай спадчыны слыннага сына Ушаччыны.
Фота з адкрытых крыніц.
