Зараз у калектыве займаецца 27 дзяцей. Яны знаёмяцца са сродкамi музычнай выразнасцi, асноўнымi жанрамi беларускага фальклору, этнаграфiчнымi стылямi выканання.
– Традыцыйнае адзенне, у асноўным белага колеру, саматканыя паясы, мясцовая гаворка, каляндарныя і сямейныя абрады, звычаі, легенды, казкі, прыказкі – пра ўсё гэта дзеці даведваюцца падчас заняткаў, – расказала кіраўнік «Знічкі» Валянціна Баева.
Праз святы і абрады не толькі поўніцца і актывізуецца беларускі слоўнік вучняў, выхоўваюцца любоў і павага да роднай мовы, але і спасцігаюцца светапогляд, душа, мудрасць, гумар, таленавітасць і майстэрства народа, лічыць Валянціна Баева.
Хлопчыкі і дзяўчынкі спяваюць песні, вывучаюць народныя танцы. Заняткі ў фальклорным калектыве спрыяюць падрыхтоўцы дзяцей да актыўнага ўдзелу ў мясцовых абрадах, рытуалах, святах земляробчага календара. Стала цудоўнай традыцыяй для жыхароў і навучэнцаў правядзенне народных свят: «Багач», «Пакровы», «Піліпаўскія вечары», «Каляды», «Грамніцы», «Гуканне вясны» і іншых. У калектыве дзеці таксама іграюць на музычных інструментах: беларускай дудзе, акарыне, гармоніках, скрыпцы, цымбалах, кантрабасе, жалейках…
Яскравым стаў юбілейны канцэрт. У выкананні ўдзельнікаў «Знічкі» гучалі песні: полацкі канон «Перад Пятром пятым днём», «Выхвалялася бяроза», «Вясна-красна да нас прыйшла». Танчылі «Крыжачок», «Лявоніху», «Падэспань», «Лысага», «Базар», польку «Матылёк», «Тапор», «Чобаты».
Амаль усе вучні школы далучаюцца да калектыва. Нават самыя маленькія, садаўскага ўзросту, – на юбілейным канцэр-це спявалі «Сядзіць камар на дубочку» і танцавалі «Карман-чыкі».
