Паспаборнічаць у хуткасці прыехалі девяць экіпажаў з Мінска і Гомеля. У тым ліку і зорка беларускага аўтаспорту Сяргей Вязовіч. Для яго, кіраўніка спартыўнай каманды «МАЗ-СПОРТаўта», мерапрыемства стала этапам падрыхтоўкі да ралі-рэйду «Дакар-2018», які пройдзе ў Паўднёвай Амерыцы ў студзені будучага года і маршрут якога пракладзены па тэрыторыі Аргентыны, Балівіі, Перу.
Пашчасціла яму і на гэты раз. Экіпаж у складзе Сяргея Вязовіча і Дзмітрыя Ахрэмчыка стаў фаварытам гонак і заняў першае месца ў абсалютным заліку.
Захапляльныя і відовішчныя спаборніцтвы па традыцыі сабралі нямала гледачоў і балельшчыкаў і сталі адметнай падзеяй у спартыўным жыцці Ушаччыны. Наступны этап ралі-спрынту пройдзе ў Лепелі ў снежні бягучага года.
Вольга Северына, г. п. Ушачы. Фота аўтара.
