Поиск - Категории
Поиск - Контакты
Поиск - Контент
Поиск - Ленты новостей
Поиск - Метки
SP Page Builder - Search

Туризм

Ад старажытнага Полацка да невялічкай Дзісны: гарады-лідары геаграфічных рэйтынгаў Беларусі

Найстаражытны горад Беларусі 

Гэта Полацк, які ўпершыню згадваецца пад 862 годам у Лаўрэнцеўскім спісе “Аповесці мінулых часоў”. Аднак, па дадзеных археалагічных раскопак, яму папярэднічала паселішча. Так што насамрэч сталіца беларускай дзяржаўнасці мае большы ўзрост.

Сёння Полацк – вельмі папулярны ў турыстаў горад. Тут шмат адметных архітэктурных помнікаў, цікавых музеяў, іншых вартых увагі аб’ектаў, а яшчэ – маляўнічыя краявіды над Заходняй Дзвіной і Палатой.

Наймаладзейшы горад краіны 

Гэта Новалукомль. З’яўленне новых беларускіх гарадоў у 1950 – 1970-х гадах было звязана з другім этапам індустрыялізацыі ў СССР. Так, Новалукомль сваім нараджэннем абавязаны будаўніцтву на беразе чацвёртага па плошчы і другога па аб’ёме вады ў Беларусі возера Лукомскага самай буйной сваёй ГЭС. Заснавана паселішча ў 1964 годзе, абвешчана горадам у 1970-м. Аматараў турызму сюды вабіць магчымасць адпачыць на азёрным беразе.

Найменшы горад рэспублікі 

Ён завецца Дзісна і знаходзіцца ў Мёрскім раёне на берагах Заходняй Дзвіны і Дзісны. Тут паўтары тысячы жыхароў. Славутасці самага маленькага беларускага горада – старая забудова, замчышча на дзвінскім востраве, царква Адзігітрыі з цудатворным абразом Маці Божай Дзісненскай і ракай з мошчамі, касцёл, мост. Калісьці тут выраблялі славутую дзісненскую кераміку, узоры якой можна ўбачыць у школьнай краязнаўчай экспазіцыі.

Дарэчы, самы маленькі горад Еўропы – харвацкі Хум: 23 чалавекі, у тым ліку мэр, паліцэйскі, лекар, суддзя і пажарны.

Мікалай ПІВАВАР, кандыдат гістарычных навук.

Фота з адкрытых крыніц.       


Подпишись на Витебские Вести в Telegram
При использовании материалов vitvesti.by указание источника и размещение активной ссылки на публикацию обязательны

Главные новости Витебска и Витебской области. Все права защищены.
При использовании материалов vitvesti.by указание источника и размещение активной ссылки на публикацию обязательны.
Свидетельство о гос.регистрации СМИ №18 от 20 сентября 2019 года

МЫ В СОЦИАЛЬНЫХ СЕТЯХ