Пасёлак Ідолта па добраўпарадкаванні адзін з лепшых у Міёрскім раёне

Печать

Па дарозе з Міёр на Друю, літаральна ў некалькіх метрах ад магістралі, стаіць велічны храм. Яго архітэктура, дагледжаная тэрыторыя заварожваюць. І не дзіўна, што машыны тут збаўляюць хуткасць – вадзіцелі і пасажыры хоць на хвілінку прыпыняюцца, каб палюбавацца на гэту прыгажосць. Адчуваецца, што мясцовыя жыхары любяць і берагуць сваю святыню. І не толькі яе. Пасёлак Ідолта па добраўпарадкаванні адзін з лепшых у Міёрскім раёне. Традыцыя трымаць у чысціні свае падвор’і, грамадскія месцы тут закладзена спрадвеку. Важная роля ў гэтым належыць кіраўнікам мясцовага сельгаспрадпрыемства, яго шэфам. За апошнія дзесяць гадоў цэнтральны будынак гаспадаркі змяніўся непазнавальна. З дапамогай канцэрна «Белнафтахім» была рэстаўрыравана сядзіба Іосіфа Мілаша, у якой размясцілася адміністрацыя ПУПКС «Міёрскі», па праграме будаўніцтва жылля на сяле ўзведзены 35 дамоў, якія ўтварылі некалькі прыгожых вуліц.

2

Актывізацыю работ па добраўпарадкаванні вяскоўцы звязваюць з цяперашнім кіраўніком сельгаспрадпрыемства Васілём Міхалківым. Кожны год мужчыны бяруць у рукі тапары і пілы, ачышчаюць ад хмызняку берагавую лінію возера Ідолта, вырубаюць кустоўе, якое наступае на вёску. Так на месцы былой зарослай пусткі з’явіўся сад. Яго агарадзілі і перадалі Мілашоўскай базавай школе. Паказваючы яго, аграном Дзмітрый Міхалкіў звяртаў увагу на багацце завязі на кожным з 450 дрэў, гаварыў, што ўжо сёлета сад дасць першы ўраджай, а ў наступныя можна будзе забяспечваць дзятву свежымі пладамі на працягу ўсяго года.

З другога боку канторы ўзнімаецца бярозавы гай, які заклалі вясной гэтага года.

1

Пасля ачысткі ад кустоў вачам адкрылася прыгажосць возера, стала добра бачная суседка Ідолты вёска Мілашова. Паміж сабой населеныя пункты звязаны драўляным мастком, які перакінуўся паміж берагамі ў самым вузкім месцы, на перашыйку. Паблізу на ідолцкім баку кіраўніцтва гаспадаркі мяркуе размясціць футбольнае поле, а на мілашоўскім пачата ўладкаванне месца адпачынку. Ачышчана пляцоўка, пастаўлена альтанка.

На ідолцкім беразе, на паўвостраве, атуленым колам стагадовых ліп, стаіць капліца, фамі-льны склеп паноў Мілашаў. І вакол яго пануе парадак: тэрыторыя дагледжана, трава скошана.

Тут дарэчы сказаць пра тое, як кіраўніцтва сельгаспрадпрыемства захоўвае старыя пабудовы. Ля канторы засталіся будынкі былой панскай канюшні з цікавай каменнай кладкай. Цяпер іх рамантуюць, пакі-даючы калоны стагадовай даўніны. Адноўленыя склады ўдала ўпісваюцца ў комплекс забудовы ХІХ стагоддзя, які надае вёсцы свой каларыт.

А яшчэ Ідолта ўражвае колькасцю стаўкоў. На месцы кожнай забалочанай нізіны, якіх у вёсцы вельмі многа, як расказаў намеснік дырэктара Сяргей Гільніч, будзе сажалка. Дзевяць ужо зроблены, прылягаючая тэрыторыя да іх добраўпарадкавана, а самі яны зарыблены. Мясцовыя жыхары прыйшлі да дырэктара з прапановай запусціць у штучныя вадаёмы рыбу. Сабралі грошы, набылі малькоў карпа і таўсталобі-ка і запусцілі ў стаўкі.

4

Будаўніцтва іх працягваецца. Неўзабаве такі з’явіцца ля канторы, ідзе адсыпка і выраўніванне тэрыторыі яшчэ ў некалькіх месцах. А пасярэдзіне Ідолты ў разгары абсталяванне дзіцячай пляцоўкі. Ужо стаяць лавачкі, узняўся казачны домік.

– Здаецца, дзяцей у вёсцы нямнога, – патлумачыў Сяргей Гільніч.— Але ў сад бацькі запісалі 20 хлопчыкаў і дзяўчынак, ім таксама трэба мець пляцоўку для гульняў.

– А яшчэ мы задумалі заняцца аграэкатурызмам, – прадоўжыў расказ Дзмітрый Міхалкіў, калі мы праязджалі паўз дома, пабудаванага ў ХІХ ст. – Адрамантуем, падвядзём ваду, каналізацыю і будзем аказваць аздараўленчыя паслугі.

Агледзелі вуліцы Ідолты і Мілашова, палюбаваліся на шматлікія кветнікі, парадаваліся за людзей, якія абжываюць прэзідэнцкія домікі, узводзяць ля іх пабудовы, распрацоўваюць зямлю.

3

Гаспадарлівасць мясцовых жыхароў падкрэслівалі ўсе спецыялісты сельгаспрадпрыемства. Маўляў, практычна кожны трымае жывёлу, мае сад, калі не пчалапасеку, то некалькі калод абавязкова. Гледзячы на іх, і «Міёрскі» купіў 83 калоды, наняў спецыяліста і заняўся новай для сябе справай.

І апошні штрых знаёмства з Ідолтай. Увесь час нас суправаджаў гул трымера: ішло абкошванне травы па ўсім населеным пункце.

Фота Тамары Пашкевіч.

Поделиться новостью в социальных сетях:


Подпишись на Витебские Вести в Telegram
При использовании материалов vitvesti.by указание источника и размещение активной ссылки на публикацию обязательны

ПО ТЕМЕ

Дожди с грозами и сильным ветром ожидаются в Беларуси 26 мая
Туман и до +25°С тепла ожидается в Беларуси 25 мая
В Беларуси до конца недели ожидаются дожди и температура ниже климатической нормы
Синоптики о погоде 24 мая: без осадков и до плюс 24 градусов днем
Оранжевый уровень опасности из-за сильного ветра и дождей объявлен в Беларуси 22 мая
С 31 мая по 1 июля в Витебской области установлен запрет на лов сома
Погода в Витебске на 20 мая: кратковременные дожди и до +14°C

АКТУАЛЬНО

Гороскоп для всех знаков зодиака с 30 мая по 5 июня
153
26 мая 2022
Гороскоп для всех знаков зодиака с 30 мая по 5 июня
Бренды родного края: чем знаменит Новополоцк
161
26 мая 2022
Бренды родного края: чем знаменит Новополоцк
Комплекс зданий в историческом центре Витебска выставят на аукцион
294
26 мая 2022
Комплекс зданий в историческом центре Витебска выставят на аукцион
ФОТОФАКТ: В Витебске открылся I Республиканский форум молодых ученых учреждений высшего образования
193
26 мая 2022
ФОТОФАКТ: В Витебске открылся I Республиканский форум молодых ученых учреждений высшего образования

ИНТЕРЕСНО

В Докшицком районе проходит выездное заседание Совета по взаимодействию органов местного самоуправления при Совете Республики
2363
14 мая 2022
В Докшицком районе проходит выездное заседание Совета по взаимодействию органов местного самоуправления при Совете Республики
Яровой сев в Витебской области выполнен на 83,5%
1691
14 мая 2022
Яровой сев в Витебской области выполнен на 83,5%
В Витебске задержан педофил
1910
17 мая 2022
В Витебске задержан педофил
К участию в конкурсе социальной рекламы #Познай Беларусь приглашают всех желающих
1654
18 мая 2022
К участию в конкурсе социальной рекламы #Познай Беларусь приглашают всех желающих
В Витебской области таксисты добровольно доплатили в бюджет около 370 тысяч рублей налогов
1453
20 мая 2022
В Витебской области таксисты добровольно доплатили в бюджет около 370 тысяч рублей налогов
Гороскоп для всех знаков зодиака с 23 по 29 мая
1065
23 мая 2022
Гороскоп для всех знаков зодиака с 23 по 29 мая