«Славянскі забег» адбыуся у Віцебску у фестывальныя дні.

Вадзім Дзевятоускі і пераможца сярод калясачнікаў Рэната Рабкоуская

Арганізатарамі выступілі Беларуская федэрацыя лёгкай атлетыкі, Міністэрства спорту і турызму, а таксама аблвыканкам. Удзельнікі спаборніцтваў, а гэта былі спартсмены рознага ўзросту з розных гарадоў, а таксама людзі з абмежаванымі магчымасцямі, маглі выбраць дыстанцыю на любы густ: ад некалькіх соцень метраў да 8 кіламетраў.

Старт і фініш адбываліся на плошчы Перамогі абласнога цэнтра, непасрэдна забег – па Маскоўскім праспекце. Пераможцы атрымалі памятныя медалі, а таксама грашовыя прызы. Радуе, што давялося ўбачыць шмат знаёмых твараў, у тым ліку сярэбранага прызёра Маскоўскай Алімпія-ды-1980 Ігара Каныгіна, які зараз узначальвае абласны Цэнтр алімпійскай падрыхтоўкі па адзінаборствах.

Правядзенне такой акцыі ў Віцебску ў рамках «Славянскага базару» было асабістай ініцыятывай старшыні рэспубліканскай федэрацыі лёгкай атлетыкі Вадзіма Дзевятоўскага. Яго падтрымалі абласныя ўлады на чале са старшынёй аблвыканкама Мікалаем Шарснёвым.

Вадзім Дзевятоўскі адзначыў, што яго федэрацыя робіць стаўку на масавы спорт і на тое, каб такія мерапрыемствы праводзіць не толькі ў сталіцы (а ў Мінску ўжо не раз праходзілі аналагічныя забегі), але і ў рэгіёнах. І паабяцаў: «Славянскі забег» з кожным годам будзе толькі набіраць абароты.

Фота Алеся БЫНЬКОВА.