Арганізатарам свята выступіў клуб гістарычнай рэканструкцыі «Паўночная вежа», які існуе на базе культурна-гістарычнага комплексу «Залатое кола Віцебска «Дзвіна» (Задзвінне), дзе і адбылося мерапрыемства.

Удзельнікі балю – танцоры і госці – змоглі пабываць ў ХІХ стагоддзі, адчуць і пабачыць, як бавілі час нашы продкі. Тут былі выкананы розныя віды вальса і кантраданса, характэрныя для той эпохі. Таксама ў праграме – настольныя і картачныя гульні ХІХ стагоддзя. Дарэчы, усе ўдзельнікі павінны былі прытрымлівацца дрэс-коду ў адзенні: мужчыны ў касцюмах, жанчыны у доўгіх сукенках і з сабранымі ў прычоску валасамі.

Сродкі, атрыманыя падчас балю, будуць перададзены прытулку для бяздомных жывёлаў Віцебска.