Яго стваральнікі – калектыў ЦДМ на чале з дырэктарам Ірынай Угарэнка – сабралі шматлікія экспанаты, якія расказваюць пра станаўленне і развіццё адукацыйнага працэсу ў рэгіёне.

У экспазіцыі шмат гістарычных дакументаў, а таксама рэчаў, якія належалі слынным на Браслаўшчыне педагогам. Ёсць тут падручнік па матэматыцы 1903 года, вучнёўскі ранец, чарнільніца, сшыткі, якімі карысталіся вучні ў пачатку мінулага стагоддзя, пасведчанне аб заканчэнні другога класа польскай школы, іншыя цікавыя экспанаты.