Традыцыйна ў чацвёртую нядзелю мая праводзіцца акцыя “Дзень адчыненых дзвярэй у беларускіх сядзібах”. Сёлета яна пройдзе 4-ы раз. Як паведамілі ва ўпраўленні спорту і турызму аблвыканкама, удзел у мерапрыемстве возьмуць 57 аграсядзіб Віцебшчыны. Іх гаспадары прапануюць бясплатныя экскурсіі, знаёмства з паслугамі, аплікацыі, дэгустацыю найсмачнейшых страў нацыянальнай кухні і шмат чаго іншага.