Ва Ушацкім раёне добраўпарадкавалі сядзібу-музей Васіля Быкава і ўсталявалі білборд з партрэтам пісьменніка

Елена Алимова
Культура
24 июля 2019
Просмотров: 4125
Тэги: #Яндекс.Новости, #традиции, #история, #музей, #Ушачи, #новости витебской области, #Витебская область, #благоустройство

За некалькі кіламетраў да вёскі Бычкі, што ва Ушацкім раёне, падарожнікаў сустракае білборд з партрэтам пісьменніка сусветнага маштабу Васіля Быкава. Шчыт запрашае наведаць яго сядзібу. За гэтую і многія іншыя ініцыятывы жыхары Кубліцкага сельвыканкама ўдзячныя яго старшыні Марыі Ярмош.

 

На гэтай пасадзе Марыя Васільеўна другі год, да таго была дырэктарам Кубліцкай дзіцячага сада-базавай школы, выкладала родную мову, таму неабыякавасць да ўсяго, што звязана з вядомымі літаратарамі Ушаччыны, у яе ў крыві.

Напярэдадні 95-годдзя з дня нараджэння Васіля Быкава, сядзіба-музей якога знаходзіцца на тэрыторыі сельсавета ў вёсцы Бычкі, асаблівую ўвагу старшыня надала добраўпарадкаванню гэтага месца і пад’езду да яго.

 

Новую агароджу вакол хаты Быкава ўстанавілі за сродкі раённага бюджэту. Па настойлівай ініцыятыве Марыі Ярмош дарожнікі высеклі кустоўе на ўзбочынах, каб свабодна маглі праехаць двухпавярховыя экскурсійныя аўтобусы, паклалі 12 кіламетраў асфальту, а каб госці не заблукалі ў пошуках малой радзімы пісьменніка, паставілі адпаведныя знакі.

Рэкламны білборд з партрэтам Быкава ўсталявалі ў вёсцы Селішча на скрыжаванні дарог.

– Шчыт паставілі выключна за грошы людзей, неабыякавых да яго творчасці, і сума немалая – больш за тры тысячы рублёў, – адзначыла Марыя Васільеўна.

Наглядчык музея Васіля Быкава, яго пляменнік Мікалай Хорак паведаміў, што насупраць сядзібы стаяў стары дом, у якім нарадзіўся і дзе правёў першыя гады жыцця будучы народны пісьменнік Беларусі. Каб ушанаваць гэта месца, там паставілі валун, на які прымацавалі мармуровую шыльду.

– З гэтым камянём цэлая гісторыя атрымалася. Спачатку мы хацелі павярнуць яго ў бок дарогі. Колькі разоў круцілі-вярцелі, а ён усё роўна станавіўся так, што глядзеў у вокны сядзібы-музея. Так і пакінулі, – распавяла Марыя Ярмош.

 

Яна марыць на пустыры ля сядзібы пасадзіць яблыневы сад, каб частаваць шматлікіх гасцей яблыкамі з радзімы Васіля Быкава. Дарэчы, толькі за паўгоддзе тут пабывала больш за паўтары тысячы чалавек.

– Можа, у яго дзяцінстве сям’я Быкавых не магла мець такі сад, дык хай хоць зараз тут будзе гэтае багацце. Таксама хацелася б папоўніць экспанатамі музей пісьменніка. Можа, атрымаецца ўзяць што-небудзь у Гродне, дзе закрылі музей Быкава, бо няма сродкаў на яго ўтрыманне, – падзялілася думкамі Марыя Васільеўна.

Акрамя знакамітай сядзібы ў яе яшчэ шмат месцаў, дзе трэба сачыць за парадкам: на могілках, у вёсках, а таксама вырашаць іншыя пытанні. Справіцца з усім адной немагчыма, таму старшыня сельвыканкама звяртаецца за дапамогай і к дарожнікам, і ў лясніцтва, і да мясцовых жыхароў. І ёй ніхто не адмаўляе, бо ведаюць, што з душой і вялікім непадробным жаданнем яна робіць ўсё, каб яшчэ больш папулярызаваць гэтае сціплае месца.

 

Марыя Ярмош плануе распрацаваць турыстычныя маршруты па мясцовых славутасцях.

– У вёсцы Селішча ёсць руіны касцёла пачатку XVIII стагоддзя, каля якога набыў хату цікавы, неабыякавы да гісторыі чалавек Аляксей Закатаў. Мабыць, менавіта з яго дапамогай дойдуць рукі і да гэтага гістарычнага месца, – адзначыла старшыня сельвыканкама.

Калі яна працавала настаўніцай, шмат куды вазіла сваіх вучняў, якія цяпер пры сустрэчы дзякуюць ёй за гэта. Марыя Васільеўна ўпэўнена, што школьныя ўрокі з цягам часу сціраюцца з памяці, але на ўсё жыццё застаюцца ўражанні ад таго, дзе былі, што бачылі. Таму і стараецца на сваёй радзіме стварыць турыстычны куток.

Фота Алены Алімавай.

Поделиться новостью в социальных сетях:


Подпишись на Витебские Вести в Telegram
При использовании материалов vitvesti.by указание источника и размещение активной ссылки на публикацию обязательны

АКТУАЛЬНО

113
29 июня 2022
В Витебске начались состязания по волейболу среди команд МЧС Беларуси
205
29 июня 2022
К акции "Дорогами мужества и стойкости" присоединились Ушачи и Бегомль
170
29 июня 2022
Футболисты "Витебска" в ближайшем матче Кубка Беларуси сыграют с брестским "Динамо"
156
29 июня 2022
По итогам ликвидации Толочинского РайПО погашено более 90% задолженности перед кредиторами

ИНТЕРЕСНО

1052
16 июня 2022
Айда на озеро! или Как провести лето без трагедий
1001
20 июня 2022
20 июня в Витебской области работают мобильные датчики контроля скорости
1126
16 июня 2022
Чем могут быть опасны надписи на стенах домов, рассказали судебные эксперты
1279
21 июня 2022
Молчаливые информаторы, или Почему не всегда работают табло с расписанием транспорта в Витебске?
1625
23 июня 2022
Драник с лебедой, а омлет – с крапивой: как в Лиозненском районе готовят блюда по старинным белорусским рецептам
1170
24 июня 2022
УВД облисполкома напоминает о правилах поведения в местах проведения праздничных мероприятий