Оршанский район перезагрузка
75 лет Великой Победы
ВЫБОРЫ ПРЕЗИДЕНТА РЕСПУБЛИКИ БЕЛАРУСЬ - 2020

Поиск - Категории
Поиск - Контакты
Поиск - Контент
Поиск - Ленты новостей
Поиск - Метки
SP Page Builder - Search

Культура

Бітва карагодаў і танцоры 70+. Турнір народных побытавых танцаў адбыўся у Віцебску



Падведзены вынікі турніру народных побытавых танцаў, які адбыўся падчас “Славянскага базара ў Віцебску”.

Харэаграфічны конкурс з асаблівым нацыянальным каларытам сабраў больш за сотню ўдзельнікаў з розных куткоў Віцебшчыны. Аматары і знаўцы аўтэнтычных танцаў спаборнічалі ў розных намінацыях і ўзроставых катэгорыях. Кожная пара, выконвая «Каханачку», «На рэчаньку», «Ночку», «Суботу», «Ойру», кракавяк, падэспань, павінна была не толькі дакладна прадэманстраваць класічныя элементы, але і перадаць іх мясцовыя асаблівасці.

Акрамя таго, на плошчы Свабоды ў абласным цэнтры прайшлі батлы салістаў, якія імправізавалі пад «Барыню» і «Жабку», а таксама бітва карагодаў.

Гран-пры турніру журы прысудзіла Яўгену Акулічу і Веры Леднік з Віцебскага раёна.

Спецыяльны прыз атрымаў глыбоцкі Народны тэатр фальклору “Цярэшка» пад кіраўніцтвам Наталлі Нікіфаровіч. Лепшымі ва ўзроставай катэгорыі ад 16 да 30 год сталі Георг Чарных і Вікторыя Пугач з Віцебска. Сярод удзельнікаў ад 30 да 50 год перамаглі Мікалай Сушкевіч і Таццяна Спаткай з Талачыншчыны. Прадстаўнікі Шумілінскага раёна Уладзімір Мулькоў і Ганна Курыленка занялі першае месца самых вопытных танцораў (70+).

Адметна імправізавалі ў батле «Барыня» Аляксандр Усцінаў і Валянціна Замастоцкая з Лёзненшчыны, Валерый Гайко з Аленай Ядрэўскай (Бешанковічы). «Жабка» вылучыла Аляксандра Усцінава з Лёзненскага раёна і Барыса Зайца з Глыбоцкага.

Самы прыгожы і стройны карагод прадэманстраваў Расонскі калектыў «Крыніца», а найвыдатнейшая кадрыля атрымалася ў харэаграфічнай группы ансамбля песні і танца «Перапёлачка» гімназіі № 3 Віцебска.

Фота Антона СЦЕПАНІШЧАВА.


При использовании материалов vitvesti.by указание источника и размещение активной ссылки на публикацию обязательны



При использовании материалов vitvesti.by указание источника и размещение активной ссылки на публикацию обязательны.

МЫ В СОЦИАЛЬНЫХ СЕТЯХ