Достижения Витебщины
75 лет Великой Победы
ДОЖИНКИ В ВИТЕБСКЕ

Поиск - Категории
Поиск - Контакты
Поиск - Контент
Поиск - Ленты новостей
Поиск - Метки
SP Page Builder - Search

Социум

Дэлегацыя Верхнядзвінскага раёна наведала латвійскі горад Дагда, каб падтрымаць мясцовыя рэлігійныя канфесіі



Дэлегацыя Верхнядзвінскага раёна ўдзельнічала ў традыцыйным дабрачынным мерапрыемстве, якое штогод праходзіць у латвійскім горадзе Дагда.

Яно збірае нераўнадушных людзей з розных краін, якія гатовы маральна і матэрыяльна падтрымаць мясцовыя рэлігійныя канфесіі. Верацярпімасць жыхароў Дагдскага краю блізкая і зразумелая беларусам, бо ў іх спакон веку не было варожасці паміж рэлігійнымі плынямі.

Сёлета на «Малітоўным сняданку Адвэнта» ўвагу прысутных звярнулі на прыналежнасць да роду і месца, куды цягнуцца душа і ўспаміны, на важнасць умацавання сям’і і захавання духоўных каштоўнасцей. Святар праваслаўнай царквы дзякаваў за мінулагоднюю падтрымку іх прыходу: сабраныя на той сустрэчы грошы паклалі пачатак узвядзенню храма. Сёлета прысутныя вырашылі падтрымаць прыход стараверскай царквы.

Геаграфічнае і сацыяльна-эканамічнае становішча Верхнядзвіншчыны з шырокімі магчымасцямі для развіцця міжнародных зносін заўсёды прываблівала замежных партнёраў. У ліку першых раён увайшоў у Еўрарэгіён «Азёрны край» – грамадскую арганізацыю трансгранічнага супрацоўніцтва – і год ад года пашырае кола кантактаў. Дзякуючы ўзаемавыгаднаму супрацоўніцтву рэалізаваны шэраг сумесных ініцыятыў, якія садзейнічалі ўмацаванню дружбы паміж краінамі і народамі, спрыялі развіццю адносін у розных сферах дзейнасці.

– Жыццё даказала, што граніцы не перашкода для плённага супрацоўніцтва, – гаворыць старшыня Верхнядзвінскага раённага Савета дэпутатаў Ірына Козел. – Спачатку наладзілі цесныя сувязі з Краслаўскім самакіраваннем, а потым заключылі дагавор з Дагдскай краявой думай. Нашы дэлегацыі рэгулярна бываюць у сяброў, яны – у нас. Абменьваемся вопытам, рэалізуем сумесныя праекты, напрыклад, па захаванні кулінарнай спадчыны – праект, які завязаў у агульнае кола кулінарны і агратурызм, зрабіў блізкімі сябрамі многіх яго арганізатараў.

Акрамя раёна, свае дагаворы аб супрацоўніцтве заключылі паміж сабой адукацыйныя і культурныя ўстановы, працоўныя калектывы. Верхнядзвінская гімназія ўжо восем гадоў сябруе з сярэдняй школай Дагды. Узаемны інтарэс знайшлі паміж сабой і бібліятэкі.

Фота з адкрытых крыніц.



При использовании материалов vitvesti.by указание источника и размещение активной ссылки на публикацию обязательны


При использовании материалов vitvesti.by указание источника и размещение активной ссылки на публикацию обязательны.
Свидетельство о гос.регистрации СМИ №18 от 20 сентября 2019 года

МЫ В СОЦИАЛЬНЫХ СЕТЯХ