Лепшыя навучэнцы Пастаўскага каледжа — будучыя тэхнікі-механікі — зараз праходзяць вытворчую практыку на Мінскім аўтамабільным заводзе. Гэта першы вопыт навучальнай установы і магутнага прадпрыемства па падрыхтоўцы высокакваліфікаваных кадраў. Такое стала магчымым дзякуючы падтрымцы раённай улады і старшыні Палаты прадстаўнікоў Нацыянальнага сходу Ігара Сергяенкі. 

Па ініцыятыве кіраўніка раённай моладзевай арганізацыі Анастасіі Пятровай хлопцы аб’ядналіся ў студэнцкі вытворчы атрад імя Героя Савецкага Саюза Аляксандра Матросава. На прадпрыемстве яны не толькі знаёмяцца з сучаснай тэхнікай, але і прымяняюць атрыманыя ў каледжы веды на практыцы. Па словах дырэктара навучальнай установы Сяргея Шамовіча, маладыя людзі атрымалі магчымасць ацаніць свой узровень падрыхтоўкі, паспрабаваць сябе ў прафесіі, а можа, і вызначыцца з першым рабочым месцам.