Праект «Сямейная памяць пра вайну» запусцілі ў Пастаўскай сярэдняй школе №4 у год 75-годдзя вызвалення Беларусі ад нямецка-фашысцкіх захопнікаў. Ініцыятар яго настаўніца Наталля Федаровіч. Падтрыманая райкамам БРСМ і раённым саветам ветэранаў яна звярнулася да калегаў і вучняў з прапановай расказаць пра сваіх родных – удзельнікаў Вялікай Айчыннай вайны. Аказалася, у многіх семьях памятаюць пра тых, хто ваяваў на франтах і не вярнуўся дахаты.
Успамінаў сабралася багата і настаўніца спадзяецца, што зможа некалі выдаць іх, як сабрала і выдала зборнік пісьмаў з вайны пад назвай «За скупым радком на абеліску». Дзесяткі пісьмаў з розных куткоў былога Савецкага Саюза, а таксама надрукаваныя ў кнізе «Памяць» расказваюць пра даваеннае жыццё будучых абаронцаў Айчыны, якія загінулі пры вызваленні Пастаўшчыны, а цяпер пакояцца ў брацкай магіле па вуліцы Чырвонаармейскай.
Фота з адкрытых крыніц.
