Поиск - Категории
Поиск - Контакты
Поиск - Контент
Поиск - Ленты новостей
Поиск - Метки
SP Page Builder - Search

Социум

Аршанская цыркачка удастоена прэміі Прэзідэнта па падтрымцы таленавітай моладзі

Удзельніца цыркавой студыі «Фантазёры» Аршанскага гарадскога Цэнтра культуры «Перамога» Дар'я Башкова (на здымку) удастоена прэміі Спецыяльнага фонду Прэзідэнта Рэспублікі Беларусь па падтрымцы таленавітай моладзі.

У асабістай скарбонцы дзяўчыны шмат розных грамат, дыпломаў і прызоў. Дар'я з ранняга дзяцінства займаецца цыркавым мастацтвам. Які ж яшчэ мог быць шлях у дачкі кіраўніка цыркавой студыі Святланы Раўкоўскай?

Дзякуючы ўпартай працы дзяўчына асвоіла розныя жанры цыркавога мастацтва: эквілібрыстыку, акрабатыку, жангліраванне. І цяпер з арыгінальнымі нумарамі заваёўвае блізкае замежжа, практычна з усіх фестываляў вяртаючыся з узнагародамі розных ступеняў. Але, як яна кажа сама, куды важней для яе вопыт, знаёмства з новымі людзьмі і ўражанні. Дар'я цвёрда вырашыла, што цырк – гэта яе будучыня!

Па словах начальніка аддзела ідэалагічнай работы, культуры і па справах моладзі Аршанскага райвыканкама Ганны Святловой, з мэтай падтрымкі таленавітай моладзі і іх творчай самарэалізацыі на Аршаншчыне праводзіцца мноства значных мерапрыемстваў: фестывалі-конкурсы «Юны канцэртмайстар», «Аршанская скарбніца», форум-фестываль фартэпіяннай музыкі і іншыя.

– Сістэматычная работа па выяўленні, падтрымцы і развіцці творчых здольнасцяў навучэнцаў Аршаншчыны дае свае вынікі, – кажа Ганна Аляксандраўна. – Штогод банк дадзеных таленавітай моладзі Віцебскай вобласці папаўняецца новымі імёнамі.

Напрыклад, туды ўключаны навучэнка Аршанскай дзіцячай школы мастацтваў №1 Анастасія Салодкая, а таксама Дар'я Башкова. Навучэнкам аршанскай дзіцячай школы мастацтваў №1 Сафіі Шынкевіч і Марыне Ахрыевай уручаны прэміі Віцебскага абласнога Савета дэпутатаў як пераможцам заключных этапаў міжнародных і рэспубліканскіх конкурсаў.

Нашы маладыя артысты ў чарговы раз прымусілі з павагай казаць пра беларускае мастацтва. Хочацца верыць, што галоўныя поспехі ў іх яшчэ наперадзе.

Фота з сямейнага архіва.


Подпишись на Витебские Вести в Telegram
При использовании материалов vitvesti.by указание источника и размещение активной ссылки на публикацию обязательны

ПО ТЕМЕ

Главные новости Витебска и Витебской области. Все права защищены.
При использовании материалов vitvesti.by указание источника и размещение активной ссылки на публикацию обязательны.
Свидетельство о гос.регистрации СМИ №18 от 20 сентября 2019 года

МЫ В СОЦИАЛЬНЫХ СЕТЯХ