Поиск - Категории
Поиск - Контакты
Поиск - Контент
Поиск - Ленты новостей
Поиск - Метки
SP Page Builder - Search

Праэкт «Сцяжынкамі Язэпа Драздовіча» прэзентавалі шаркаўшчынскія школьніцы на конкурсе «Нашчадкі традыцый»

Вучаніцы Германавіцкай сярэдняй школы Шаркаўшчынскага раёна Ульяна Сташкевіч, Дар’я Ганебная і Вікторыя Пашковіч прэзентавалі на абласным этапе рэспубліканскага конкурсу «Нашчадкі традыцый» творчы праект «Сцяжынкамі Язэпа Драздовіча».

Маляўнічае выступленне дапоўнілі яркай мультымедыйнай прэзентацыяй. Працу прызналі лепшай у намінацыі «Пазнавальная экскурсія». Акрамя гэтага, члены журы адзначылі выдатныя прамоўніцкія здольнасці школьніц, іх харызматычнасць і любоў да малой радзімы, якая выразна адчувалася ў кожным слове займальнага апавядання пра гісторыю аграгарадка.

Мастак, скульптар, разьбяр, пісьменнік, паэт, археолаг, фалькларыст, педагог, вандроўнік Язэп Драздовіч за свой век зрабіў нямала. Яго жыццё было цесна звязана з Германавічамі. Успаміны пра земляка ляглі ў аснову праекта «Брэндынг аграгарадка Германавічы як інструмент устойлівага развіцця сельскай тэрыторыі: агульнымі намаганнямі для ўсіх», які атрымаў падтрымку пасольства ЗША ў Мінску. Дарэчы, у канцы мінулага тыдня адбылася выніковая канферэнцыя, на якой ішла размова пра рэалізаваныя мерапрыемствы, у тым ліку вясновы конкурс на лепшы турыстычны маршрут «Сцяжынкамі Драздовіча».

Перамогу ў тым творчым спаборніцтве заваявалі ўдзельнікі аб'яднання па інтарэсах «Юныя экскурсаводы» мясцовай сярэдняй школы. Пад кіраўніцтвам педагога Інны Пучынскай дзевяць хлопчыкаў і дзяўчынак распрацавалі двухгадзінны маршрут па навакольных вёсках, з якімі звязана імя таленавітага земляка. Апошняя кропка турыстычнай вандроўкі – Германавіцкія могілкі, дзе пахавана маці Язэпа Нарцызавіча.

Прэзентацыя маршруту адбылася падчас міжнароднай акцыі «Ноч музеяў», каля вёсак устанавілі маляўнічыя банеры. За 2019-ы шмат турыстаў наведалі гэты дзівосны край, прайшліся сцежкамі таленавітага вандроўніка.

Фота з адкрытых крыніц.


Подпишись на Витебские Вести в Telegram
При использовании материалов vitvesti.by указание источника и размещение активной ссылки на публикацию обязательны

Главные новости Витебска и Витебской области. Все права защищены.
При использовании материалов vitvesti.by указание источника и размещение активной ссылки на публикацию обязательны.
Свидетельство о гос.регистрации СМИ №18 от 20 сентября 2019 года

МЫ В СОЦИАЛЬНЫХ СЕТЯХ