Па-першае, паблізу адміністрацыйнага будынка прыродаахоўнай установы была закладзена алея Сям'і – як шанаванне дынастый і сем'яў, якія прысвяцілі сваю прафесіянальную дзейнасць ахове прыроды і рацыянальнаму яе выкарыстанню. Былі пасаджаны 37 ліп, якія ўпрыгожылі лесапарк Леснічоўка. А каб падстава не сцёрлася з людской памяці, побач паставілі валун з прымацаванай да яго шыльдачкай пра закладку маленькага парку сям'і.

Другім важным мерапрыемствам стаў увод у эксплуатацыю пасля капітальнай рэканструкцыі будынка Відзаўскага лясніцтва. Яно не толькі павялічылася ў памеры і змяніла знешні выгляд. Па-сучаснаму ўладкаваны ўнутраныя памяшканні, якія аснасцілі новай мэбляй і аргтэхнікай. Змяніўся і дызайн тэрыторыі. Дарожкі, дэкаратыўныя насаджэнні і маленькая плантацыя буякоў, альтанка зрабілі яе прыгожай і ўтульнай.

Фота Тамары ПАШКЕВІЧ.