Кожнае лета калектыў ААТ «Паставымэбля» прымае на работу студатрадаўцаў. Моладзі тут рады, бо ліпень – жнівень гарачыя не толькі ад сонца, але і ад колькасці заказаў на пастаўку мэблі для навучальных устаноў.

- Усе іх трэба выканаць у тэрмін, – гаворыць начальнік вытворчасці Дзмітрый Казлоў. – І дапамога студэнцкіх атрадаў у гэты час вельмі дарэчы. Моладзь выконвае не вельмі складаныя, але патрэбныя аперацыі. Хлопцы займаюцца ўпакоўкай мэблі, дзяўчаты працуюць з металакаркасам. Супрацоўніцтва ўзаемавыгаднае.

Зараз на прадпрыемстве шчыруе атрад «Маладзёжны» імя Героя Савецкага Саюза Васілія Сідарэнкі. Анастасія Лапушынская, Лізавета Куляшова сёлета скончылі школу, рыхтуюцца да наступнай ступені навучання. Не першы год у скла­дзе атрада студэнтка 3-га курса ПДУ імя Еўфрасінні Полацкай Юлія Бялусь. Памочнікамі рабочых працуюць і два навучэнцы пастаўскага каледжа: Арцём Альхімовіч і Сяргей Гяйбовіч. Калектыў задаволены дапамогай маладых людзей.

Акрамя ААТ «Паставы­мэбля», на Пастаўшчыне сельска­гаспа­дарчыя, вытвор­чыя, бу­даўнічыя і экалагічныя атрады прымаюць ААТ «Хацілы-Агра», «Навасёлкі-Лучай»,«Сцяг Пе­рамогі Агра», лясгас, прадпрыемства «Рассвет Поставский».

Фота postawy.by