Згодна з указам Прэзідэнта, больш за 100 прадстаўнікоў розных сфер дзейнасці ўшанаваны дзяржаўнымі ўзнагародамі за шматгадовую плённую працу, узорнае выкананне службовых абавязкаў. Сярод іх і прадстаўнікі Віцебшчыны.
Так, ордэнам Пашаны ўзнагароджаны генеральны дырэктар сумеснага таварыства з абмежаванай адказнасцю «Белвест» Юрый Суманееў. Медалём «За працоўныя заслугі» – намеснiк старшынi Вiцебскага гарвыканкама Зiнаiда Каралёва, урач-анколаг Докшыцкай цэнтральнай раённай бальніцы Галіна Аўласевіч, намеснік загадчыка (па хірургічнай дапамозе) гарадской бальніцы №1 імя Сямашкі Аршанскай цэнтральнай паліклінікі Уладзімір Русакоў, участковы ўрач-тэрапеўт паліклінікі Лёзненскай цэнтральнай раённай бальніцы Ірына Шунякова.
Медаль Францыска Скарыны атрымаў настаўнік харавых дысцыплін, хормайстар узорнага хору дзяржаўнай установы адукацыі «Дзіцячая школа мастацтваў №1 г. Віцебска» Віталій Рауза. Ганаровае званне «Заслужаны будаўнік Рэспублікі Беларусь» прысвоена дырэктару філіяла «Наваполацкае мантажнае ўпраўленне» адкрытага акцыянернага таварыства «Трэст Белсантэхмантаж №1» Міхаілу Эляшэвічу.
Фото из открытых источников
