У 2025-2026 навучальным годзе на базе СШ №16 г. Полацка адкрываецца першы клас, у якім адукацыйны працэс будзе арганізаваны на беларускай мове, пра гэта паведамілі ва ўпраўленні па адукацыі Полацкага райвыканкама.

Для залічэння ў дадзены клас законным прадстаўнікам неабходна да 28 жніўня 2025 г. падаць дакументы ў ДУА "Сярэдняя школа № 16 г. Полацка". Графік прыёму дакументаў у І клас размешчаны на сайце школы.

 Пры ўзнікненні пытанняў бацькам рэкамендуюць звяртацца да спецыялістаў упраўлення па адукацыі па тэлефоне 8 (0214) 46-24-98, а таксама ў СШ №16 па тэлефоне 8 (0214) 46-15-30.

Валянцiна Лiпко