Старшыня Віцебскага абласнога аддзялення Саюза пісьменнікаў Беларусі Тамара Краснова-Гусачэнка:

– Удзельнікаў Дня беларускага пісьменства ў Лідзе чакае насычаная праграма культурных і дзелавых мерапрыемстваў. Але традыцыйна ключавой падзеяй заўсёды з’яўляецца афіцыйнае адкрыццё свята і ўзнагароджанне лаўрэатаў Нацыянальнай літаратурнай прэміі, – гаворыць Тамара Іванаўна. – Ад Віцебскай вобласці да ўдзелу ў конкурсе мы падавалі кнігі: «Пришли времена» (аўтар – Тамара Краснова-Гусачэнка), «Котра» Вольгі Русілкі, «І гэта ўсё аб ёй» Мікалая Гарбачова, «Бровар» Ігара Пракаповіча, «Жывуць у Полацку стагоддзі» Галіны Загурскай, «Жизненный круг» Антона Параскевіна. Хто выйдзе пераможцам? Інтрыга захоўваецца да канца. Але галоўнае, як кажуць, – удзел. Пляцоўка, дзе працуюць літаратары Віцебшчыны, заўсёды збірае шмат прыхільнікаў прыгожага пісьменства.